الطريقة الصحيحة لملئ استمارة التقديم على شقق الإسكان الاجتماعي

ملئ استمارة التقديم على شقق الإسكان الاجتماعي  الطريقة الصحيحة لملئ استمارة التقديم على شقق الإسكان الاجتماعي  أولًا: تكتب بيانات صاحب الطلب...

ملئ استمارة التقديم على شقق الإسكان الاجتماعي 

الطريقة الصحيحة لملئ استمارة التقديم على شقق الإسكان الاجتماعي 

أولًا: تكتب بيانات صاحب الطلب سواء الزوج أو الزوجة

1/ اكتب اسمك رباعي زي المكتوب في البطاقة وده اسم صاحب الطلب.

2/ اكتب رقمك القومي الي 14 رقم زي اللي المكتوب في البطاقة.

3/  اكتب حالتك الاجتماعية ( متزوج ؛ اعزب ؛ ارمل ؛ مطلق ).

4/  اكتب عنوانك بالظبط زي ما هو مكتوب في البطاقة حتي لو مش عايش فيه.

5/ اكتب عنوان سكنك الحالي حتي لو مختلف عن عنوان البطاقة المهم ده العنوان اللي هيجيلك عليه المستعلم (مستعلم الصندوق و مستعلم البنك ).

6/  اكتب رقم تليفونك وياريت يكون متسجل باسمك علشان لو الخط ضاع تعرف تطلع شريحة ثانية.

7/  اكتب عدد الابناء وهنا متكتبش غير الابناء القصر اللي اقل من 21 سنة.

8/  اكتب الوظيفة سواء اعمال حره او قطاع عام او حكومي او قطاع خاص اكتب نوع الوظيفة و المسمي الوظيفي.

9/ اكتب عنوان الوظيفة او عنوان الشركة او المكان اما لو اعمال حرة اكتب عنوان المحاسب القانوني اللي عملك الشهادة.

ثانيًا: بتكتب بيانات الزوجة لو الزوج اللي هيقدم إنما لو الزوجة بتكتب بيانات الزوج

10/  اكتب اسم الزوجة رباعي كما هو في البطاقة ولو أعزب سيب المكان ده فاضي ولو الطلب باسم الزوجة اكتب بيانات الزوج.

11/  الرقم القومي للزوجة ولو الطالب باسم الزوجة اكتب رقم القومي للزوج.

ملئ استمارة التقديم على شقق الإسكان الاجتماعي 

12/  اكتب الوظيفة للزوجة ولو الزوجة لا تعمل اكتب ربة منزل ( مع عمل اقرار بعدم عمل الزوجة ( في ورقة خارجية.

13/  اكتب عنوان العمل للزوجة في حالة انها تعمل اكتب ( لا تعمل ).

ثالثًا: بيانات صافي الدخل للاسرة :

14/  اختيار فئة محدودي او منخفض الدخل بوضع علامة صح جوه المربع.

15/  اختيار فئة متوسط الدخل بوضع علامة صح جوه المربع.

16/  اكتب اسم جهة العمل لصاحب الطلب .

17/  اكتب صافي الدخل الشهري ) بالارقام ) لصاحب الطلب.

18/  اكتب صافي الدخل السنوي ) بالارقام ) لصاحب الطلب.

19/  اكتب اسم جهة العمل للزوجة في حالة الزوجة لا تعمل سيب المكان ده فاضي في حالة صاحب الطلب الزوجة اكتب اسم جهة عمل الزوج.

20/  اكتب صافي الدخل الشهري ) بالارقام ) للزوجة لو الطلب باسم الزوجة اكتب صافي الدخل الشهري للزوج .

21/  اكتب صافي الدخل السنوي (بالأرقام ) للزوجة لو الطلب باسم الزوجة اكتب صافي الدخل السنوي للزوج.

رابعًا: بيانات الوحدة المراد حجزها :

ضع علامة صح جوه الربع المراد حجز الوحده بيها .

22/  محافظات - جاهزه للتسليم منخفض الدخل ) مبلغ مقدم جدية حجز 20 الف جنيه)

23/  محافظات جاهزه للتسليم متوسط الدخل ) مبلغ مقدم جدية حجز 20 الف جنيه)

24/  مدن جديدة جاهزه لتسليم منخفض الدخل  (مبلغ مقدم جدية حجز 30 الف جنيه)

25/  مدن جديدة تحت الانشاء اللي هي استلام خلال 36 شهر منخفض الدخل ) مبلغ مقدم جدية حجز 30 الف جنيه)

26/  اكتب اسم المحافظة التي بها الوحدة المراد حجزها.

27/  اكتب اسم المدينة المراد حجز الوحدة بها.

28/  اكتب ثمن الوحدة المراد حجزها.

29/  اكتب اسم صاحب الطلب وتوقيع ( المتقدم).

30/  أكتب إسم الشريك اذا كانت تريد الزوجة شريكة في الشقة وتوقيع الشريك او الزوجة ( لو مش عايز سيبها فاضية) .

31/  تاريخ كتابت الاستمارة.

الإقرار وده بيكون مع استمارة الحجز (بداخل كراسة الشروط ).

32/  اكتب تاريخ الطلب

33/   اكتب اسم صاحب الطلب رباعي

34/  اكتب اسم الشريك لو حابب 

ملحوظة هامة

1- الكتابة بقلم واضح. 

2- ممنوع الشطب أو استعمال القلم كوريكتور نهائي.